يسرا تكشف: عادل إمام ساعدني في أزمة مالية ولم يكمل عرض مسرحية من أجلي

أخبار الفن
29
0

كشفت الفنانة المصرية يسرا العديد من المواقف التي جمعتها بالنجم عادل إمام، والتي وقف فيها إلى جوارها.

يسرا قالت: “عادل إمام في كل أزمة أنا مريت بيها في حياتي كان واقف معايا، مرة مكنش حد عارف مكنش عندي فلوس، كنت بشتغل لكن وقتها الفلوس مكنتش كتيرة، كان عندي عربية مرسيدس قولت أبيعها لحد ما ربنا يفرجها”.

وأضافت: “لقيته جالي البيت بيسألني عايزة أبيع عربيتي ليه؟ سألته إزاي عرف؟ والكلام ده كان من 35 سنة، رديت عليه إني معنديش فلوس، قالي لأ متبعيش العربية، وخطط أن يكون في فيلم أشارك فيه وقالي أطلبي اللي إنتي عايزه”.

وتذكرت موقفا آخر، قائلة: “مرة كنت تعبانة جدا وبموت عملت عملية استمرت 6 ساعات والهيموجلوبين وصل لـ5، اتصل بيا وقالي أنه سمع إني تعبانه قلت له متجيش مش هتستحمل تشوفني، بس هو متابع وعارف كل حاجة”.

وكشفت أنه لم يكمل عرض مسرحية بعد معرفته أنها تعرضت لحادث، قائلة: “عادل إمام عمره ما بيقفل المسرح، لكن في مرة حصلي حادثة كان لازم أخرج منها ميتة، كان وقتها بيقدم مسرحية من إخراج الأستاذ شريف عرفة، بمجرد ما عرف ختم المسرح وهو وشريف عرفة وعزت أبو عوف كانوا موجودين في لحظتها”.